Nor gara?

Gure jakinminak ez du mugarik, eta detaile txikiei jartzen diegu arreta. Batzuetan, grinaren grinaz, kafearekin erretzen gara; beste batzuetan, berriz, hoztu egiten zaigu eztabaida amaigabeetan. Eskerrak auzokoek gure berbotsa ongi jasaten duten!  Izan ere, ikuspegi ezberdinak alderatzetik eta arbel batean ideiak zirriborratzetik azkenean gauza txukunak ateratzen zaizkigu noizean behin. Istorio onak eta ongi kontatuak. Horixe izan da gure helburua 2013tik hona: film dokumentalak, telebista saioak eta liburuak neurrira egitea. Ikusi, entzun eta irakurri ditzakezun istorioak kontatzen ditugu. Batzuk geuri bururatzen zaizkigu, eta beste batzuk proposatu egiten dizkigute. Gero, gehiago edo gutxiago gustatuko zaizkizu, baina zaude ziur guk eginahalak egingo ditugula.

Bizitzako une bakoitzak zure bertsio ezberdin bat eskatzen du. Eta proiektu profesional bakoitzak ere bai. Guk geure bertsiorik onena emango dizugu beti.